Sapulekto Latta Tay Nagpukaw Nga Angkla

Uray naglemmengen 
kaadalman ti baybay

iti    adu   a   tawen, 
sapulekto         latta.

Iwalinkot' dalluyon a
 mangtubeng. Surotek 
babaen iti pitik 'toy 
pulsok  a   kasingin
nabara nga angesna

Pinagrupsa kadin  ti 
apgad ti sagubanit a
 nangbiag kenkuana?
Kasano nga agnaed 
iti  dam-eg  a 'dina mapuotan  ilalabas lenned ken kannag? 
Lumung-aw koma  ta matmatannak---

malasinnak   
kadi?

Mabigbigna pay ngata dagitoy nakaisemen a mata

a makinlua idi iti binatokna a taaw? Madlawna ngata 
a di pay la daytoy nailiwliwag, panaas ti naulila ken iliw 

 iti nagpukaw nga angkla? ta, agarimasada manen.

Ngem maimetakto latta ti kawar a mangiyaon
 kenkuana manipud taaw. 'Dinto mauma ti 
arbis  a manguray, dayasannanto 
 dagiti lati a gapuanan lulua  

namagkullaap iti  
nagbaetanmi 
a dana.

*