Ang kahulugan ng mga alon

Kung sana ay naibubulalas ko ang aking niloloob
kagaya ng sa dagat at ng alon nitong umiikot
Naghahabulang animo'y may ipinahihiwatig,
Habang pinagmamasdan lamang ito ng langit.

Kung sana, sa pagdating ng alon sa dalampasigan,
Kasabay na ring maglaho ang bigat ng nararamdaman
Aanib sa buhanginan, mahahampas, mawawasak...
At wala nang kapangyarihan 'pag bumalik sa dagat

(Aileen)